Sunnfjord Museum

Sunnfjord Museum ligg ved Movatnet langs E39 utanfor Førde sentrum, 2 km vest for Moskog. Dette er eit kulturhistorisk museum med samlingar og utstillingar som speglar dagleglivet til folk flest i Sunnfjord gjennom tidene.

Friluftsmuseet består av ein opphaveleg husmannsplass, og eit rekonstruert klyngetun med urtehage, støl og kulturlandskap.

Bygningane i friluftsmuseet kjem frå heile Sunnfjord, og syner eit tidsspenn i byggeskikk frå 1500 til kring 1900. Museet ligg i naturvakre omgjevnader. Her finn du fleire turstiar med informasjonstavler som fortel om den lokale natur- og kulturhistoria.

Vi tilbyr omvising til alle gjester i friluftsmuseet, museumsbutikk og kiosk.