GAULARFJELLET fjell-lunsj

Er du klar for å oppleve Gaularfjellet? Vi kan freiste med heimelaga fjell-lunsj til å ta med på turen eller du kan finne deg ein gardsrestaurant. Du kan nyte den ute i det fri ved ein foss eller du kan besøke ein restaurant i Eldalsdalen.

Fjell-lunsjen inneheld fersk baguette eller rundstykke påsmurt med godt pålegg, grønt og urter, og fersk bolle. Det er også mogleg å bestille med ei flaske lokal pressa fruktjuice. Bedriftene som leverer smakane til fjell-lunsjen er i stor grad lokalisert langs strekninga. Vi håpar fjell-lunsjen fell i smak, gir deg påfyll av energi og set ein ekstra spiss på opplevinga ute mellom fossane langs Gaularfjellsvegen.

Gaularfjellet inviterer til opplevingar i Fosseheimen – eit variert landskap omkransa av Sognefjorden, Dalsfjorden og Førdefjorden. Det verna Gaularvassdraget buktar seg i elvar, vatn, stryk og fossar langs turistvegen. Det friske og grøne fjell- og fjordlandskapet møter deg med eit smil. Strekninga har to gardsrestauranter (sjå omtale under) og sju rasteplassar som alle er ideelle for ein lunsjpause; Eldalstunet, Flatheim, Utsikten, Mirage (Torsnesstølen), Likholefossen, Hestad, Vallestadfossen, Haukedalen og Fleten (Holsavatnet).

Bestilling av GAULARFJELLET fjell-lunsj
Periode:
 10.juli – 30.september. Pris: frå kr. 139,-.
Gruppe: Ønskjer du å bestille for 8 personar eller fleire, ver venleg å ringe dagen før.
Flatheim, Viksdalen, tilbyr fjell-lunsjpakkar for overnattingsgjestar. Ring gjerne på førehand og bestill på 99246066.
Mjølkerampen på Sande, kom innom kl. 10 eller ring dagen før innan kl. 15 på tlf. 95 24 21 50. Søndag og måndag – stengd.
Dragsvik Fjord Hotel nær Balestrand, i resepsjonen eller ring dagen før innan kl. 19 på tlf. 57 69 44 00.

Lunsj hos Eldalstunet og Flatheim

Langs strekninga finn du også to lunsjstadar som er verdt eit stop i sommar: Eldalstunet og Flatheim.

I juli og august har Eldalstunet open kafé laurdagar frå kl. 13-17, og i juni, juli, august og september på søndagar frå kl 13-18. Dei serverer tradisjonsrik lunsj og middagsrettar basert på lokale råvarer og ligg ca 7 km frå Likholefossen.

 

Eldalstunet

 

Flatheim inviterer til kafé i det freda storhuset sitt og i tunet kvar dag frå kl. 12-17 fram til 12. august. Dei byr på gode “blingsar” med variert pålegg, heimelaga kaker og bakst og ein unik atmosfære perfekt for ei lita matpause og ein god kopp kaffi. Flatheim tilbyr også fjell-lunsj til sine overnattingsgjestar, og ligg 450 m frå Likholefossen.

 

Flatheim

Ein tur over Nasjonal turistveg Gaularfjellet byr på kulinariske overraskingar og spektakulær arkitektur i tillegg til det du kanskje hadde venta deg: fjellvatn, fossestryk og snødekte toppar!

Meir om smaksopplevingane langs Gaularfjellsvegen finn du her!

Sjå alt du kan oppleve med eit museumspass

Musea i Sogn og Fjordane lanserer denne veka eit museumspass som gir deg tilgang til tretten museum i fylket for berre 179 kroner! Passet får du kjøpe hos alle musea og med det kan du oppleve fleire spennande utstillingar og aktivitetar, guida turar, vandringar i friluftsmuseum, og ulike arrangement. Tre av musea finn du langs Nasjonal turistveg Gaularfjellet.

 

Norsk Reiselivsmuseum

I Balestrand, mellom fjord og fjell inne i berget ved stranda av Sognefjorden ligg Norsk Reiselivsmuseum. Her kan du bli kjend med ei bygd med lang reiselivstradisjon og som ein gang var heimen til ein kunstnarkoloni.

Det nybygde museet lar deg bli kjend med reiselivet si utvikling og historie i fjell- og fjordlandet vårt. Det handlar om oppdagingsreiser, risikofylt bygging av vegar i vanskeleg terreng og ikkje minst om korleis enkelte bygder og stader utvikla seg til å bli ettertrakta reisemål.

Opningstider: 01.07 – 30.09 alle dagar Kl 10-18

 

Sogn og Fjordane Kunstmuseum

Kva har kunstnaren lagt til og trekt i frå i si skildring? Kva har han lagt vekt på? På kva ulike måtar har kunstnarane skildra naturen, årstida og lyset?

28.juni opnar «I NATUREN»Sogn og Fjordane Kunstmuseum i Førde. Landskaps- og naturskildringar har ei lang historie innanfor biletkunsten. I høve Den Norske Turistforeining sitt 150-års jubileum, vil museet syne fram eit utval verk frå samlingane som krinsar kring temaet natur.

Motiva er fjell, hav, fjord, himmel, skog og flora, årstidene og menneske som nyt, lengtar eller undrar seg i naturen.

Opningstider: Heile året tysdag – søndag Kl 11-16

 

Sunnfjord Museum

Ved Movatnet like aust for Førde ligg Sunnfjord Museum. Med samlingar og bygningar som speglar dagleglivet til folk flest i Sunnfjord frå 1500 til kring 1900 er eit besøk der ei rik kulturoppleving. Du kan få guida omvising, sjå utstillingar, besøke urtehagen og museumsbutikken.

Museet har eit vakkert uteområde med koselege sitjeplassar mellom husa på tunet. Dei tilbyr utleige av hus med hyggeleg og historisk atmosfære til møter og fest.

Hos Sunnfjord Museum er du velkommen – enten du er på jakt etter kunnskap, eller berre treng ei avslappande stund i det vakre uteområdet.

Opningstider: 01.07 – 15.08 måndag – fredag Kl 10-18 | Helg Kl 12-17

 

Meir informasjon om museumspasset finn du i denne brosjyra

Museumspass | Gaularfjellet

Tips til fleire opplevingar langs Nasjonal turistveg Gaularfjellet her!

 

Nasjonal turistveg Gaularfjellet